Айнұр Тұрсынбаева

Айнұр Тұрсынбаева (1977 ж.туған, Семей облысы, Ақсуат ауданы, Көкжыра ауылы) – айтыскер ақын.
Онжылдық мектепті 1994 ж. Мойынқұм ауданында бітірген. Айтыс өнерінде алғаш 1991 ж. Қайрат Рысқұлбековке арналған облысаралық ақындар сайысында көзге түсті. Төле бидің 330 жылдық мерейтойында жүлделі екінші орынды жеңіп алды. 1994 ж. Семейде Абайға арналған мектеп оқушыларының айтысында бас жүлдесін алып, Абайдың 150 жылдық мерейтойында өткен республикалық ақындар айтысының да жүлдегері (7 орын) болған жас талант. Жамбылдың туғанына 150 жыл толуына арналған ақындардың республикалық айтысында 2-орынды иеленді. Айнұр Тұрсынбаева тек өзіне ғана тән сыпайы ойын асықпай, жұмсақ қоңыр үнімен тыңдаушының көкірегіне сәуле құярлық етіп, толғантып-тебірентіп жеткізеді. Кейінгі жылдардағы «Айтыста» бірнеше рет бас жүлдені жеңіп алды.

























Әйел
Тіршілікте теңдесі жоқ,
Жүрегі аппақ, жаны нұр.
Жер бетінің бар ғажабы,
Əйелдер ғой, бəрібір!
Біздер үшін өлді қанша,
Ақ гүл, қызыл, сары гүл.
Себебі біз жер бетінде,
Ең сұлумыз, бəрібір!
Мына бес күн дүниенің,
Шындығында, мəні-Біз!
Сол үшінде, тек бақытқа,
Лайықтымыз бəріміз.
Əйелдерді бағала, Сен,
Пəк көңілін кірлетпе.
Əйел-Қызың, əйел-Анаң,
Лайықты ол, құрметке!
Əйел сенің - Қарындасың,
Əйел сенің - Əпкең де!
Ей, Ер жігіт, жұбата біл,
Ол мұңайған сəттерде.
Əйелдерді қуантудың,
Қиын емес, жолдары.
Бір-екі айда, бір-екі гүл,
Сыйлап тұрсаң, болғаны.
Жылы-жылы сөздер айтып,
Əйелге бөл, уақыт көп.
Əйел жылап жүрген үйде,
Еркекке де бақыт жоқ!

Еркектердің өмірінің,
Əні, сəні, мəні - Біз!
Сол үшінде, тек бақытқа,
Лайықтымыз, бəріміз.