Семинар-практикум

17.11.21ж. күні С.Қ.Нұрмағамбетов атындағы №10 орта мектепте Қоғамдастық аясында тәлімгерлерге арналған «Жас мамандармен жұмысты ұйымдастыру жолдары туралы» тақырыпта семинар-практикумды екінші деңгейлік ағылшын тілі пәнінің мұғалімі Г.К. Сабырходжаева өткізді. Семинар-практикумға сабақ берумен қатар тәрбие саласына қатысты әдістемелерді игерген, білімді, кәсіби жоғары мұғалімдер қатысты.
Семинардың мақсаты: жас маманның біліктілігі жоғары, кәсіби өсу мен дамуға дайын маман қалыптастыру. Осы мақсатты іске асыру үшін тәлімгерлерге мектептегі жас мамандармен жүргізілетін жұмысты ұйымдастыру жолдарымен таныстырып, бағыт-бағдар берілді. Сонымен қатар тәлімгерлікті ұйымдастыру қағидаларын және тәлімгерлікті жүзеге асыратын педагогтерге қойылатын талаптармен таныстырды.