Қалалық ғылыми жоба байқауынан 3 орын алдық.

Қалалық ғылыми жоба байқауынан 3 орын алдық.

Елдің білім жүйесі ғылымның өрістеуімен алға жылжиды. Болашағы мығым елдің жастары білім мен ғылымға бет түзейді демекші, мектеп қабырғасында білім алатын жас буындарды ертеректен ғылымға бағыттауды басты мақсат еткен білім ордамыз биылғы жылдың екінші тоқсан оқу кезеңін ғылыми жоба жұмыстарының мектепішілік байқауын ұйымдастырудан бастады. Ғылыми жоба жұмыстарына 5-11 сыныптар аралығындағы оқушылар қатысып, бақтарын сынады. Жобада үздік деп танылған жұмыстар қалалық ғылыми жобалар байқауына жолдама алды. Жас ғалымдардың ғылыми жоба жұмыстарының деңгейін саралау үшін қала шеңберіндегі байқау Сағадат Нұрмағамбетов атындағы №10 орта мектебінде онлайн форматта өткізілді. Оған мектебімізден қатысқан физика пәнінен Сейдуов Досмұхаммед, ағылшын тілі пәнінен Ораз Айбибі, қоршаған ортаны қорғау бағыты бойынша Рақымжанов Ернұр өз жұмыстарын абыройлы қорғап шықты. Жалпы ғылыми конкурс төрт кезеңнен тұрды, мектебіміздің 9 «Ә» сыныбының оқушысы Ораз Айбибі бірінші кезең – мектепішілік іріктеуден өтіп, екінші кезең қалалық мектеп оқушыларының арасында бақ сынасты. Айбибі ағылшын тілі пәнінен әдебиет сециясы бойынша «Interesting facts about English language» тақырыбында ғылыми жобаны қорғап шығып, қалалық мектеп арасынан 3 ші орынды иеленді және келесі облыстық кезеңге жолдама алып облыс мектептерінің арасында да өз ғылыми жобасын қорғады.
Ораз Айбибі «Interesting facts about English language» тақырыбындағы ғылыми жұмысында ағылшын тілінің маңыздылығын, оның қазіргі замандағы орнын зертеу арқылы өзіне үлкен міндет жүктеген. Алдымен жоспар құрып, сол жоспары бойынша өз сұрағына жауап іздеді. Мектеп оқушылар арасында сауал жүргізіп, саралап, өзінше түйін жасап, ойын қорытындылаған. Оқушы зерттеу жұмысының өзектілігін анықтап, ағылшын тілінің кең таралғанын, оның не себептен халықаралық тіл болып табылғанын, ол туралы қызықты факторларды тауып, көрсете білді. Оқушы бұл шығармашылық ізденіс жұмысты жазу барысында көп ізденгені байқалды. Болашақта Айбибінің жан-жақты, туған жерін, елін, тілін, мәдениетін бағалап, қорғайтын, ағылшын тілін меңгерген полиглот, басқа жасөспірімдерге үлгі болатындай еліміздің біртуар, білімді ел басқарар азаматша болатынына сенім білдіреміз.